Den oranan di marduga tabata tin un entrada hudicial. A base di e entrada hudicial aki, polisnan tin informacion importante pa e comunidad di Aruba. Vocero di Cuerpo Policial, Lito Lacle, a conta si mira bon, ta trata aki di un cooperacion entre pueblo di Aruba y Cuerpo Policial, caminda cu por bisa cu Cuerpo di Recherche a haci un entrada hudicial den Caya Danza y a bin haya un arma di candela, plus bastante municion. Un persona di inicial M. a wordo deteni y hiba warda pa mas investigacion.

Procedura

Lacle a splica cu tin diferente team riba tipo di casonan aki pa di tal manera cu por haci un bon investigacion y bay over na detene e persona aki. No por haci e detencion/investigacionnan aki sin ayudo di pueblo di Aruba. Ta importante pa pueblo keda yama tiplijn y duna informacion aki, pa asina bay over na detene e personanan aki. Mas lihe kita e personanan aki for di caya, miho pa pueblo di Aruba.
Te asina leu no tin nacionalidad di e persona deteni. Ta e prome informenan cu ta hayando di Cuerpo di Recherche cu por divulga na comunidad.
Investigacion ta andando. Tin posibilidad cu mas detencion lo por bay cay den e investigacion aki.