Ultimo tempo tin varios parti scur entre rotonde Las Americas te Cas di Gobernador unda henter e area di Linear Park ta den scuridad, of algun luz no ta trahando bon treciendo peliger pa peaton y automobilistanan.
Team di 24ora a bay tira un bista y constata cu e area anochi ta completamente scur y pa varios dia caba a bati alarma na NV Elmar y tambe personal di DOW. Ta pa varios dia caba esaki t’a asina y hasta ainda tin decoracion di Pasco poni cu no ta cende.
Te cu ainda, ningun reaccion of accion di parti departamentonan concerni. A pesar di e luznan di Pasco cu ainda no a kita esakinan casi dos siman den e aña nobo, e luznan mes di e parke ta total loss cu algun cu no ta traha mes, y otronan cu ta paga cende estilo discoteca riba Linear Park.
Ta haci un peticion na instancia y departamentonan concerni pa bay tira un bista mas lihe cu ta posibel pa regla esaki y evita cu lo surgi otro problemanan pa falta di iluminacion den e area aki, cual ta uno bastante uza diariamente.
