Diamars merdia a cuminsa un candela devastador den cura di Daltra NV, cu ta cerca di APEX NV, cual sigur tabata forma un peliger pa APEX NV mes.
Na momento cu a tuma nota di e candela aki y e menasa cu e tabata forma, mesora e empleadonan di tanto APEX NV mes, como tambe e companianan ruman ATCO Aruba NV a tuma rienda den nan man, p’asina purba yuda contene e candela feros aki, segun Geraldine Oduber, Sales & Marketing Manager di APEX NV.
Sigur el a gradici tambe tur colega di EcoTech, Brouwerij Nacional Balashi, Sizzle na Gloria y sigur nan IT Department, sin laga afo, na e empleadonan di Arubaanse Wegenbouw NV cu a asisti den e combatimento di e candela aki, hunto cu e Cuerpo di Bombero y tur e otro instancianan presente, cu a traha cu alma y curpa pa asina por a logra contene e candela pa e no sigui plama y causa mas daño.
Tambe Oduber a gradici tur instancia cu a asisti den e momentonan critico manera Cuerpo di Bombero, ImSan, Cuerpo Policial, DOW y BRA. Ya diaranson e plantanan como tambe e oficinanan di APEX NV a habri bek pa asina sigui duna nan clientela e miho servicio posibel.
