Diahuebs mainta polis a bay atende un caso di destruccion riba propiedad di edificio di conseho di minister. Riba e area di parkeer banda di Arnold M. Schüttestraat siguridad di Cuerpo Especial Arubano (CEA) a bin haya algun parkeerbeugel kibra.
E aparatonan di hero aki tin apenas algun siman instala, nan ta un bara di hero cu ta ancra na e asfalt y asina por evita automobilista para auto den un parkeervak sin cu nan ta autorisa pa haci esaki.
Camara di siguridad a graba e destruccion. Ta sospecha dos hende homber lo a subi nan vehiculo kibra e parkeerbeugel y kibr’e. E personal di siguridad ta sospecha ambos tabata bou influencia di alcohol. E incidente a sosode diahuebs madruga y pa su mainta a notifica polis di e destruccion laga atras.
