No ta mucha dia pasa cu Minister-President, mr. Evelyn Wever-Croes a yega Aruba for di un biaha caro for di Europa. E tabata na Hulanda djey a bay Brussels y pa algun dia, e ta bek na cas. No a dura mucho pasobra den weekend MinPres ta sali rumbo pa New York caminda e lo atende e di 68 congreso di un comision di Nacionnan Uni.
E lo keda cinco dia na New York y djey bolbe Aruba. Conseho di Minister riba su mes ta riba un racha di biahamento. Minister Glenbert Croes tambe ta na Merca pa un biahe di trabou.
Ta di spera un splicacion ora MinPres ta bek na Aruba, p’asina e conta un con Aruba a sali beneficia di e biahe aki. Di otro banda, parlamento tambe ta riba un trip. Un delegacion di dies parlamentario a sali pa Panama pa atende reunionnan di Parlatino. Gran parti ta parlamentarionan di MEP pero hunto cu Gerlien Croes, Aquanette Gunn y Misha Raymond.
