Anthony Hagedoorn ta capitan di e boto di placer Tranquilo. Un boto cu for di su inicio na 1977 tabata sa di entretene no solamente turista, pero publico local tambe.
Nan tambe a pasa den dificultad na momento cu e pandemia a start. E pandemia a afecta nan basta duro. Hagedoorn ta corda cu dia 17 di maart tabata nan ultimo charter cu a haci. Nan tabatin basta reservacion geboek pasobra maart tabata un luna basta druk pa nan como tambe pa Aruba en general.
“Better be safe than sorry.” Despues di algun siman e isla a drenta den un lockdown. Awo, 17 luna despues.
Hagedoorn ta conta cu awo conoce mas di e virus y ta canando hunto cu ne pa por siña di dje y mira kico ta e miho pasonan pa tuma.
Ta sinti aworaki cu ta manehand’e un tiki mas miho. Gobierno tambe ta haciendo un tremendo trabao cu toque de queda, cu tur e rekisitonan pa tene tur hende safe. Si mira bek den pasado, e ta traha. Tur e biahanan a baha e casonan y Hagedoorn ta kere den dje.
Aworaki supuestamente Aruba ta den low season. Pero e perspectivanan ta mustra cu cos lo mehora. Pa loke ta temporada di fin di aña, Hagedoorn a menciona cu ta deal cu hende di Merca. Ora cu mira bon, nan ta yega na un punto cu nan no kier keda cas mas. Nan kier biaha. Aruba a haci un bon trabao pa habri su fronteranan cu e rekisitonan cu ta na su luga. Hendenan kier biaha, Hagedoorn a enfatisa. Pesar cu tin Corona, nan kier subi avion. Lo spera un high season basta bon.
Pa cobertura mas amplio lesa edicion di TREMPAN mañan.
