For di aña pasa, durante temporada di eleccion, por a sinti cu tabata existi cierto consenso bao di partidonan, cu mester investiga e posibilidad pa legalisa cannabis medicinal.
E ora ey Conseho di Supervision di AZV a pidi pa bin cu un conseho pa e minister di e tempo ey, e partidonan politico, unda cu AZV ta duna su conseho pa introduccion of legalisacion di cannabis medicinal.
Punto di bisa
Segun Anko Ringeling, director di AZV, e efectonan di cannabis medicinal, no ta suficiente studia ainda, na manera ta wordo exigi pa hopi otro tipo di remedi. Esey no ta kita cu tin testimonionan, investigacionnan cu ta bisa cu tin, pa cierto indicacionnan tin efecto desea. Pesey a bisa pa bay introduci legalisa e cannabis medicinal, bao di cierto condicion. Si mira na otro paisnan, ta haci’e diferente manera. A referi specialmente den e caso aki na Hulanda. Hulanda ta asina cu cannabis medicinal, un dokter por prescribi cannabis medicinal. E ora mester busk’e na un botica, como e investigacion riba e tereno aki no ta asina leu ainda. No ta precisamente conoci, con e dosering mester ta. Pesey e dokternan mes a traha cierto guidelines, pa bisa na ki indicacion nan lo por prescribi e cannabis medicinal. AZV a propone pa e dokternan uza e mesun guidelinesnan cu ta uza na Hulanda. Si ta bay pa e cannabis mes, na Hulanda esey ta wordo cultiva bao di condicionnan hopi estricto. Ta cierto compania por haci esaki. Tin laboratorio cu ta indica pa gobierno di Hulanda, cu tin cu test e contenido. A bisa cu por set up tur esey na Aruba. Como nos ta un isla chikito, a propone na gobierno pakico no importa for di Hulanda. Hulanda ta exporta e cannabis ey cu ta wordo cultiva specialmente pa uzo medicinal. Ta exporta esey tambe. E ora ta sigur di un cierto calidad. No tin e retonan pa setup tur e infrastructura ey aki na Aruba. En todo case den un fase inicial, por importa e cannabis ey for di Hulanda. Esey ta un condicion of un proposicion cu AZV a forma gobierno.
Locual ta wordo cubri door di AZV na Hulanda, nan tin un sistema parecido na esun di Aruba, ta remedinan comun y coriente. Es decir, cu despues di un investigacion, a keda aproba suficientemente kico nan efecto ta, kico nan bij effect ta naturlamente y den ki dosering nan mester wordo prescribi. Segun consehonan na Hulanda, e asina yama zorg instituut, cu ta conseha e minister di salud di Hulanda, esey no ta e caso ainda cu Canabs. A base di esey na final e minister di salubridad na Hulanda a dicidi cu cannabis no ta bay bin den e pakete di nan AZV. Es decir, cannabis medicinal ta legal na Hulanda, pero e no ta wordo cubri door di nan AZV. A conseha gobierno pa haci mesun cos aki na Aruba.
Haci’e legal, e ta wordo prescribi door di un dokter. Tin cierto pais ta gewoon cumpr’e riba caya. Esey no a conseha gobierno. E mester wordo prescribi pa un dokter. E mester wordo entrega pa un botica y por lo pronto e no ta wordo cubri door di AZV. Esey ta loke cu AZV a propone na gobierno aña pasa.
