MMA ta un deporte hopi gusta entre e hobennan. E ta un deporte di contacto, pero lamentablemente debi na e pandemia varios parti na mundo no por a eherce e deporte aki. Andres Tromp ta presidente di š š š š„š²š³š²šæš²š² š®š»š± šš¼šŗšŗš¶ššš¶š¼š»š²šæ šš¼šŗšÆš®šš¶šš² š¦š½š¼šæš šš¼šš»š±š®šš¶š¼š» a comenta cu nan a lanta dos aƱa pasa y november e aƱa ey, a bisa e directiva cu despues di dos aƱa e lo retira pa duna otro hende e posicion pa tuma e timon over.
Debi na e pandemia hopi cos a keda tranca y e conocemento cu mester a pasa e directiva nobo, no a concretisa.
Tabatin varios reunion cu e vice presidente como e secretario tanto personal como den chatgroup, cu e pregunta kico ta pensa pa pospone e eleccion pa 2022, unda cu tur hende a bay di acuerdo unanimamente.
Tromp a menciona tambe cu si tur cos concretisa prome cu november 2022, e eleccion lo bin mas prome tambe. Ta na su luga pa habri caminda pa duna chens na e generacion nobo. Ta meta di Tromp y e gana di yuda engrandece e deporte. Esaki ta un di e puntonan cu a yama e rueda di prensa di diabierna.
Dr. Jimenez, dr. Schurre y dr. Yagua, kende ta trahando e plataforma pa e bringadonan pa haci test, ta tres dokter cu ta bay traha hunto pa e fundacion pa tin miho control pa e diferente malesanan cu tin y e testnan pa esaki manera test di HIV, Hepatitis, etc. Ta un proyecto cu ta bay paso a paso. Sinembargo COVID a tranca hopi cos.
Durante di e pandemia, Tromp tabatin diferente reunion virtual cu funcionarionan halto di e federacionnan internacional di MMA, cu ta reconoce Tromp di e esfuersonan haci pa MMA na Aruba. Dos di e funcionarionan a bin Aruba caba pa bin inspecciona un team di referee y a propone na gobierno di Aruba pa nan yuda engrandece e deporte. Sinembargo no a haya e contesta cu nan tabata kier.
Tur cos a para segun Tromp y te awe nan ta canando cu un statuut cu mester a duna e minister di Deporte, Dangui Oduber, kende te awe no a ricibi nan pa entrega e statuut.
Tromp a menciona cu no ta nada persona, pero te awe e fundacion no ta reconoci, a pesar cu nan ta legalmente si nan ta reconoci tanto na notario como na Kamer van Koophandel.
Durante di e conferencia di prensa, federacionnan fo’i Merca a duna Tromp un reconocimento como referee di MMA. Jeffrey Nedd, como vice-presidente di e fundacion. Brian Dunn, presidente di ABC (Association of Boxing Commissions and Combative Sports) a apunta Andres Tromp como un oficial di Asociacion di e Comision di Boxeo como representante di Aruba y otro pais Caribense, como tambe referee certifica di MMA y a traha como un oficial na Iowa. Den e carta Dunn ta indica cu Andres Tromp tin e sosten di ABC pa promove e crecemento di e deporte di combate na Aruba y otro pais den Caribe.
Esaki sigur ta hopi grandi pasobra Andres lo bay ta e representante no djis pa Aruba, sino den Caribe Tambe. Mester ta hopi orguyoso di dje. Ta pa e motibo aki mes ta pidi sosten di ken cu por brinda e sosten na e fundacion pa engrandece e deporte di MMA.
