Andres Gomez ta ex-pareha di e turista Mericano Anita Machado, kende a entrega un denuncia contra dje. Gomez a dal e turista y esey tabata suficiente motibo pa nan relacion termina.
Gomez ta arepenti pa loke el a haci. E sa cu esey no tabata e miho manera cu e mester a actua. E ta sorry pa su accion. El a hasta pidi sorry na su mama, su dos rumannan muhe, na Machado. El a expresa cu esey no ta e forma cu e tabata kier con cos a caba.
Segun Gomez, e no ta un hende asina. El a pidi sorry na tur hende muhe di Aruba y cu ningun persona merece algo asina.
Como cu Machado a entrega un keho contra su persona, el a expresa di laga husticia cana su caminda. “Mi no tin nada di bisa erover. Corda si cu tur storia tin dos medaya, esey so mi por bisa”, segun Gomez. El a enfatisa di lamenta kico a pasa.
