Pa motibo di pandemia ta optimalisando e radar, pero e compania cu ta leverancier di e sistema di radar ta di Noruega. Pa nan por asisti Aruba, nan mester biaha pero tabatin hopi limitacion. Ainda ta den pandemia y esey a stroba pa nan pone par di instalacion adicional p’e radar ta optimal.
Minister di Husticia, Seguridad y Integridad, mr. Andin Bikker, a splica durante conferencia di prensa cu e radar ta optimal. Tur instrumento tecnologico ta hulpmiddelen, pasobra ta imposibel pa sali for di punto di bista cu si tin un radar, tin un helicopter, tin un scanner y diripiente no tin arma mas na Aruba. Nan ta hulpmiddelen cu ta yuda pa contra aresta y baha e indice di criminalidad. El a indica cu esey ta loke nan ta haciendo cu diferente instrumento.
Bikker den pasado tabata critico contra su oponente y minister pa loke tabata e cantidad di criminalidad. Ta mustra cu a warda p’e “baca hoga” pa por a bin c’un beleid. E mandatario a indica cu su precededor a yega di duna un warning pa prepara, pasobra criminalidad ta bay subi. E tempo ey el a bis’e cu e no tabata apto pa goberna.
