Ta buscando manera pa importa carni bek for di Colombia. For di Aruba diferente importador, y for di Colombia tambe diferente exportado tin e deseo hopi grandi pa cuminsa bek.
mr. Andin Bikker, consehero legal di Minister di Salud Publico y Turismo, a splica cu e exportadonan di carni tabata exporta carni pa Aruba te 2005. Corsou tin basta aña ta importa for di Colombia.
Segun Bikker, nan a reuni cu diferente di e companianan, pero tambe e representantenan di e organisacionnan cu ta certifica e carni. E consehero a splica cu un di e companianan, cu ta compania grandi cu ta opera no solamente for di Colombia, Brasil, etc., a mustra nan henter e procesonan con ta garantisa. Nan tin stempel (seyo) di calidad cu nan por exporta internacionalmente.
E compania actualmente ta maneha 84 pais, di cual diesocho ta activo. Y diferente di nan ta pais ta di volumen grandi. Bikker a sigui splica cu na Colombia mes casi 52 miyon habitante ta come e carni, e turistanan cu ta yega. Awo ta trahando riba un protocol sanitario y esey ta basicamente cu ta compara e standardnan caminda ta bisa cu asina aki ta garantisa cu e carni exporta ta cumpli cu e rekisitonan basico minimo pa tene sigur e siguridad di salubridad.
Apart di esey, mester cambia algun decreto di cual ta studiando esey. Mester determina como gobierno cu ta disponibel pa haci e cambionan. Segun Bikker, esey ta un decision cu minister Dangui Oduber a tuma, unda cu Gobierno di Aruba ta respeta y respalda esey. Incluso minister Geoffrey Wever ta respalda esey. Esaki ta algo cu relativamente den un tempo cortico e por ta realisabel.
Pa dos dia nan a reuni cu e autoridadnan concerni, dos di nan ta ICA (Instituto Colombiano Agropecuario) y INVIMA (Instituto Nacional de Vigilancia de Medicamentos y Alimentos), y nan ta e toezichthouders di Colombia. Nan a keda di manda e protocol sanitario di cual nan tin cu entre otro Corsou, Singapur y otro pais rond mundo cu tin norma hopi halto.
Pa mas lesa TREMPAN.COM.
