E weekend di 11 y 12 di maart a tuma luga e 10 edicion di Aruba Doet. Diasabra ya for di ora tempran di mainta, parlamentario Molina a participa como boluntario den ekipo cu a traha riba e proyecto di mantencion na Sint Michaël School na Brazil unda e multi function learning center’a haya un face lift.
A drecha e netnan di basketball y volleyball. E meta ta pa haci e scol mas agradabel y atractivo pa tur e alumnonan.
“Di curason mi ta gradici tur e 3000 boluntarionan cu a participa den un di e 190 proyectonan di Aruba Doet 2022, danki pa a duna bek na nos comunidad”, ta locual cu Alvin Molina a declara. Alabes a felicita Aruba Doet cu e tremendo iniciativa, pa un decada caba, trahando na bienestar di nos pais. No tin nada mas bunita cu duna bek, sirbi y aporta na nos comunidad.
Ta kere firmemente cu si nos tur pone di nos parti y den union nos lo construi un miho Aruba,’ Molina a finalisa.
