Un situacion preocupante a tuma luga awe mainta na SPO Santa Cruz na momento cu un alumno a rabia formalmente cu regla di scol cu a impone riba dje y a tuma decision di kibra e meter di awa pafo como protesta.
Esaki a tuma luga den careda di 11:00 am ora cu a informa di un meter di awa na Santa Cruz cu tabata spuit awa riba caminda. Na yegada a constata cu ta meter di awa di scol SPO cu tabata kibra.
Un alumno a rebeldia cu e docentenan di dicho scol, como cu el a bin scol cu un vestuario cu no ta adecua pa e scol. Un di e reglanan di SPO ta indica cu no por presenta na scol cu un jeans cu ta colga y ta laga mustra paña interior. Pa e motibo aki a haci peticion na e alumno aki pa e bandona scol y bay cambia su paña y asina regresa scol.
Esaki no a cay den bon tera cerca e alumno. El a sali y causa daño na e meter di awa cu consecuentemente a cuminsa spuit awa rba caminda pa basta rato. A compronde cu e alumno no a bandona e area di scol pero a keda rondona e area. Polis a presenta y pidi un grupo di hoben pa bandona e area prome cu nan haya nan den problema. No ta conoci si e alumno cu a causa daño tambe tabata den e grupo aki.
