All To Car a cuminsa cu ‘undercoat’ cual ta un producto hopi tempo den pipeline pero mester a haci parti logistica di pone un puente separa y mas. Entrante dialuna ta cuminsa cu e producto aki anto ta invita pueblo di Aruba pa cada cliente cu cumpra auto nobo, cualkier marca, y bo kier proteha esaki contra saltpeter y tera di lama etc, All To Car por dun’e undercoating. E consecuencia ta cu garantia ta extende, bo ta haya mucho mas prome cu auto cuminsa frustia.
All To Car awor tin undercoating como un parti di servicio den nan garage. Cliente basicamente mester tuma contacto cu All To Car, traha un cita pa trece auto pa undercoating, si e auto ta nobo e ta haya tratamento mas nobo y facil, si e ta un auto uza mester kisas haci algun trabao chikito riba dje dependiendo e size di auto ta stipula prijs. E prijsnan lo varia entre 690 te cu mas o menos 890 florin dependiendo size di auto y con hopi daño e vehiculo tin pa motibo di saltpeter.
Un auto nobonobo, cumpra na cualkier otro marca of All To Car mes, drenta e shop, no mester pasa den ningun proceso, por yega haci undercoating pa esaki riba mesun dia. Mester simplemente yama All To Car of number di garage anto traha cita.
E unico diferencia ta cu e cliente no lo tin auto pa un dia pasobra e auto mester keda pa seca prome pone wielnan bek y caba di completa e auto.
Enrique Serrato ta un tecnico den departamento di undercoating y ta desea tur hende bon bini pa yega All To Car bishita su departamento nobo di undercoating. Esaki ta un producto hopi profesional anto e final ta keda un diferencia total di otronan, esaki ta un regalo pa Aruba cu e idea nobo aki di undercoating cu un bon prijs y tremendo servicio.
