Ministerio Publico a manda un informacion riba un investigacion den fraccion POR su fundacion di Parlamento di Aruba. A constanta iregularidad den e fondo y Ministerio Publico a bay over na haci investigacion. Nan a pone beslag riba e fondonan aki, cual ta fondonan publico. Lider di fraccion POR, Alan Howell a reacciona riba e asunto aki.
E partido a haya un carta di Ministerio Publico cu nan ta bay haci investigacion riba e fractie geld, esta placa di fraccion. Segun Howell, nan mes no a haya mucho detaye di kico e investigacion di MOT (melding ongebruikelijke transactie). E ta di pensamento cu mester laga e investigacion cana su caminda. Na momento cu a yama esunnan cu ta haci administracion, nan lo sa di duna cuenta debidamente si tin precunta cualkier transaccion di e placa di fraccion.
Tur fraccion ta haya placa di fraccion pa traha cu ne. Tur esaki tin di haber cu por yuda e fraccion den trabou necesario. Den e carta ricibi, segun Howell, no ta poni e motibo cardinal pakico e investigacion ta. MOT ta hopi skerpi pa loke ta transaccion. Na momento cu MOT mira cu transaccionnan ta iregular, ta posibel pa haci investigacion.
Pa mas informacion lesa TREMPAN.
