Diasabra anochi trempan den careda di 7:00 pm polis a bay topa cu Taskforce. Basa riba un instruccion, ambos departamento a sali pa bay mira e situacion andando na Plaza Daniel Leo. Tabatin grupo ta toca y tambe cantamento. Basta hende local y no local tabata presente. Tin un bar tambe cu ta habri eybou.
Despues cu polis y Taskforce a topa, a bay atende cu esunnan encarga cu e actividad. Mientrastanto ora cu polis y Taskforce tabata presente, e orario di 7:00 pm a pasa. A yega 7:30 pm.
Polis a pidi pa permiso di e evento cu banda. A resulta cu e permiso ta te 7:00 pm. E organisadonan encarga a bisa polis cu nan tin permiso. Sinembargo un permiso valido pa toca despues di 7:00 pm nan no tabatin. Despues cu a duna tur instruccion na organisado, Takeforce y polis a delibera un cu e otro y despues a bandona e sitio.
For di ariba e bin instruccion pa control y pesey mes a avisa tanto Taskforce cu polis pa topa y hunto bay atende cu e evento. Uno riba e comportacion di bishitante y maneho di e evento. Y den e caso aki polis pa e permiso pa tene e actividad.
Na final ta polis mes a informa e organisado cu te ey e actividad cu banda a yega. Tabatin un publico grandi presente pa e actividad aki.
