Dia 17 di mei cu a pasa a tuma luga estreno di Fast X na The Movies @ Gloria. Den cuadro cu esaki Jan Flemming Boys, hunto cu Gloria y IMax a organisa un careda di Hot Wheels cu ta tumando luga dia 18, 19, 20 y 21 di mei.
Lucas Geerman, di Jan Flemming Boys, a conta cu e prome dos dianan a bay super bon y ta super contento cu e acogida. Pueblo a asisti e eventonan aki den masa.
Ta invita pueblo di Aruba pa asisti diasabra y diadomingo, n’e caredanan di Hot Wheels.
Pa por participa ta sumamente facil. Ta cumpra e ticket di Fast X y unabes cu cumpra e ticket y un combo, ta haya un auto cu por ‘redeem’ y por competi cu ne of tambe por bay cu ne cas.
TUR SPOT TA YEN
Lucas a conta cu tin un maximo di 32 participante cada ora cu tin. A yena tur spot diahuebs anochi y ta contento cu e spotnan a bay.
Loke a resta t’e dianan habri, cual ta diasabra y na final, cual ta diadomingo. Awe diabierna anochi ainda tin pa 7:00 pm. Pa diasabra tin spot habri 1:00, 3:00, 5:00 y 7:00 pm habri.
Lucas ta invita henter pueblo di Aruba pa bin IMax y competi cu auto di Hot Wheels, cual ta un evento hopi leuk. No lubida di cumpra bo carchi diadomingo awo, pa bo asisti n’e final, cual lo tuma luga den e sala VIP. Ta 250 spot so tin na balor di 5 florin. Tur e otro dianan e ta completamente gratis.
