Diasabra anochi a tuma lugar e evento grandioso AHATA Excellence Awards, organiza pa Aruba Hotel & Tourism Association (AHATA). Durante un ceremonia elegante, 230 invitado a reuni pa celebra y premia 43 persona excepcional cu ta forma e base di e exito
di nos industria turistico.
E AHATA Excellence Awards ta un reconocemento pa personanan cu constantemente ta enfoca riba servicio sobresaliente y ta contribui di un manera inigualabel na e exito di nos isla como destinacion turistico. E honoradonan a disfruta di un tremendo anochi cu ambiente festivo, unda nan a ricibi un trofeo special den forma di cocolishi, cual ta simbolo pa hospitalidad. E premionan a wordo presenta riba escenario pa Presidente y CEO di AHATA, Tisa LaSorte.
Figuranan clave di e sector turistico a asisti e ceremonia, incluyendo Minister di Turismo y Salud Publico, Dangui Oduber, CEO di Aruba Tourism Authority (ATA), Ronella Croes, y miembronan di e hunta di directiva di ATA. Den e proximo simannan, AHATA lo resalta cada honorado a traves di nan medionan social. Pa wak e personanan excepcional aki papia di nan motivacion y pasion den nan trabao, por sigui AHATA riba Facebook na facebook.com/arubahotelandtourismassociation of riba Instagram na @arubahata.
AHATA ta yama danki na Elite Productions & Entertainment, Balashi Brewery y Renaissance Wind Creek Aruba Resort pa nan sponsorship cu a yuda haci e AHATA Excellence Awards 2023 un exito. AHATA ta expresa gratitud profundo na tur e honoradonan cu ta sigui eleva e industria turistico di Aruba na altura nobo.
Lista di ganadornan di AHATA Excellence Awards 2023:
- Jesslyne Croes, supervisor na Colombian Emeralds International
- Ryan Richardson cu ta Assistant Project Manager na Divi & Tamarijn All Inclusive Resorts
- Diana Kelly cu ta Sales Agent na EL Tours
- Diana Carolina de la Cruz Garcia, cu ta Housekeeper na Boardwalk Boutique Hotel Aruba
- Magaly Gonzales kende ta Bartender na Manchebo Beach Resort & Spa Aruba;
- Alberto Tromp cu ta Reservations Supervisor na De Palm Tours
- Alejandro Osorio Caro cu ta Public Relations Manager na RIU Palace Antillas
- Leonte Amaya Vergel kende ta Brewhouse Supervisor na Brouwerij Nacional Balashi
- Jose Deluque Roys kende ta un Bartender na The Ritz-Carlton Aruba
- Genoveva Gonzales cu ta Public Relations Manager na RIU Palace Aruba
- Deidre Greene cu ta ocupa e funcion di Front Office Manager na Renaissance Wind Creek Aruba Resort
- Elvia Zievinger cu ta un Beauty Advisor na Penha Aruba
- Paola Thielman Torres cu ta ocupa e puesto di Executive Housekeeper na Radisson Blu Aruba
- Steve Fuentes, conoci pa ta un VIP Host & Concierge Leader an First Class Experience Aruba
- Enmanuel Antonio cu ta e Engineering Supervisor na La Cabana Beach Resort & Casino
- Gabriel Amell, cu ta un Tour Guide na Kini Kini Transfer & Tours
- Samantha Bedard, kende ta un Cook Helper na Hyatt Place Aruba Airport
- Ludwig Croes, cu ta un Marketing Executive na Marriott Vacation Club Aruba
- Eddy Rivera cu ta e Restaurant Manager na Holiday Inn Resort Aruba
- Ronald Werleman, kende ta e Production Coordinator na Elite Productions & Entertainment
- Belineda Dorismond kende ta e Kitchen Supervisor na Eagle Aruba Resort
- Sonia de Nobrega cu ta e Assistant Financial Controller na Courtyard by Marriott Aruba
- Ursula Philipps cu tin e funcion di Front Office Agent na Cobalt Blue Fusion
- Janice Rasco Cater cu ta un Waitress na Embassy Suites by Hilton Aruba Resort
- Ivanon Lacrum cu ta un Dispatch Leader na Calloway Corporation
- Angela Pochettino cu ta e Concierge na Bucuti & Tara Beach Resort
- Bruce Henriquez cu ta ocupa e puesto di Protection Supervisor na ARX Protective Service
- Gilbert Flemming cu ta e Executive Chef na Divi Aruba Phoenix Beach Resort
- Veruschka Kock Silberie cu ta e Reservation Agent na Brickell Bay Beach Club Hotel
- Christian Götze cu ta e Sous Chef na Bohemian Bar & Restaurant
- Denise Renee Harris cu ta un Waitress na Amsterdam Manor Beach Resort
- Carlos Hilayder Cano cu ta ocupa e funcion di Head of Maintenance Department na Turibana Plaza
- Raquel Vrolijk cu ta un Casino Manager na Aruba Marriott Resort & Stellaris Casino
- Yanika Thode Laurens cu ta un Bar & Dining Room Attendant na Infini Restaurant
- Tisha Powell cu ta traha como Loss Prevention Officer na Marriott’s Aruba Surf Club
- Claudia Castellanos den su funcion di Food & Beverage Supervisor na Barceló Aruba
- Jonathan Ostil cu ta e Chef de Cuisine na Poké – Ono Restaurant
- Edna Montilme cu ta un Public Area Attendant na Hyatt Regency Aruba Resort Spa & Casino
- Dielvis Jesus Mavo Bermudez cu ta un Technician na Professional Pest Control
- Joshua Gomez den su funcion di Senior Banquet Supervisor na Marriott’s Aruba Ocean Club
- Jeniffer Fuente Lobo Franken cu ta ocupa e puesto di Head of Housekeeping Department na Aramis Real Estate Construction & Hospitality
- Jaime Arturo Jimenez cu ta e General Supervisor na Azia Restaurant & Lounge
- Gomara Lugo cu ta ocupa e puesto di Senior Food & Beverage Supervisor na Divi Village I