Diadomingo mainta automobilistanan a mira un persona drumi “laveloos” den area di Cura Cabay. Ta varios di nan a tuma contacto cu polis pa e situacion aki, pensando cu ta un hende a bira malo y a keda tira na suela.
E hecho aki a sosode pa 9:45am. Polisnan a yega na e sitio y a constata cu tabata trata di un hende muhe conoci di nan. A trata di lant’e varios biaha prome cu el a reacciona. Y e suela na e momento ey tabata cayente caba. Con e tabata drumi na suela sin sinti nada, tabata incomprendibel pa nan.
Tabata trata aki di e adicto ambulante di fam Vis, kende semper ta circula den e area di Cura Cabay y Savaneta. A bis’e cu e no por tira curpa asina riba caya y drumi. Pero tambe cu e mester bay for di e sitio, cual a tarda pa e compronde. Despues di algun palabra menos bunita den direccion di e polisnan, el a lanta y busca otro caminda di drumi.
