Tur cos a cuminsa alarededor di 4:45 pm ora cu a bati alarma p’un candela grandi cerca di Sociale Zaken den Zoutmanstraat. Aki ta caminda cu testigo a mira e adicto ambulante di fam Howell cende e candela y bandona sitio. E candela a cuminsa n’un troncon di mata y a sigui expande te cu a afecta dak di un edificio pega cu e mata.
E daño n’e edificio tabata mas bien na e dak. Brandweer a presenta p’asina combati e candela aki. Algun rato despues, polis a topa cu e adicto ambulante y a deten’e mesora. Den un transporte policial a bay cu ne direccion di ward’i polis caminda lo present’e dilanti un subfiscal, kende lo dicidi sea riba su encarcelacion of libertad. Tur cos ta mustra cu e lo habri aña tras di tralie.
