Un poco despues di 7’or di mainta Brandweer, Ambulance y Polis a bay den bisindario di Misa di Tanki Leendert pa un accidente basta serio.
Tabata trata di un Toyota Tercel y un Chevrolet Aveo y esey a sosode net momento cu un poco awa a cuminsa cay.
E chauffeur femenino di e Chevrolet a keda pega, probablemente su pia, ya cu e auto a kibra net na e parti dilanti, di e banda di e chauffeur. Un menor den e auto aki, a wordo poni mesora den ambulance pa atende.
E auto no a sosode riba e crusada, pero un di e autonan mester a hala for di su banda y dal den e otro. E Tercel tambe a haya hopi sla dilanti, pero e chauffeur mes a sali ileso. P’esey mester a haci un investigacion profundo na e sitio di e accidente.
