Diaranson mainta a sosode un accidente riba e caminda bieu direccion pa San Nicolas. Riba e brug bieu di Balashi un chauffeur cu un auto color blanco tabata bay direccion pabou.
E chauffeur a baha caminda na man robes dal den e muraya di e brug. Djey a dal tambe den un Yaris color blauw cu tabata riba e caminda direccion pariba. No tabata tin hende herida. E autonan a haya basta daño.
E chauffeur di e Yaris tabata bayendo cas despues di caba di traha na WEB. Takelwagen a kita ambos auto for di caminda. E momento ey tabata basta druk. Pesey mes e trafico a pega un rato. Polis a atende cu e accidente y tur documentonan di e autonan tabata na ordo.
