Diasabra atardi Polis a wordo manda den direccion di Rotonde di Banco di Caribe den Wilhelminastraat cu Vondellaan. Na yegada di Polis a topa cu dos auto cu basta daño material. Ambos chauffeur tabata herida.
E homber dene sedan tabata tin dolornan na neck. E dama den e SUV tabata tin dolor di brasa. E dama tabata bayendo Nort riba Vondellaan y e homber chauffeur tabata bay direccion Dakota. El a yega na e rotonde y riba e rotonde diripente e SUV a aparece su dilanti. E chauffeur di e SUV a splica Polis cu e no a mira e sedan ta bin. Takelwagen a wordo pidi pa hala ambos auto for di caminda. Ambulance a presenta y paramediconan a atende cu ambos chauffeur. Finalmente uno so mester a wordo hiba hospital pa chekeo medico mas avansa.
