Diadomingo anochi un poco prome cu 11:00 pm a sosode un accidente cu dos persona herida dilanti di Subway na Paradera. Ta entre un auto marca Kia modelo Rio y un Toyota color blauw. Den e proceso di e accidente hasta un pushi a perde su bida.
Polis a presenta y mesora a cera ambos band’i caminda pa atende cu e accidente aki. Polis di trafico tambe a presenta pa documenta e accidente aki. E Rio a ricibi basta daño parti dilanti mientras e Toyota na banda drechi di e porta patras.
E impacto tabata asina fuerte cu e airbag di e Rio a sali. Ambulance a presenta y a atende cu e dos personanan cu a resulta herida. Na final a transporta e chauffeur di Rio pa hospital p’e ricibi atencion medico avansa. Cu un shobel, polis a pone kita e pushi for di caminda y pone riba acera.
