Diahuebs anochi alrededor di 7:00 pm a sosode un accidente frontal rib’e caminda di Pavia pa Piedra Plat. Ta entre un pickup y un truck. E pickup tabata biniendo for di Piedra Plat direccion Pavia y pa un motibo of otro a baha caminda bay dal frontal den un truck. Debi na e impacto fuerte, e front di e pickup a keda completamente destrui.
E chauffeur a scapa, mirando cu tur cos ta mustra cu e resultado di e accidente por tabata pio. Chauffeur di e pickup a resulta herida, ambulance a presenta y a brind’e atencion medico, di cual na final a transport’e pa hospital pa atencion medico avansa. Polis di trafico tambe a presenta pa documenta e accidente aki. El a sosode net poco paseit di Bright Bakery.
