Diasabra anochi laat polis ta bay WaraWara unda un accidente di trafico a sosode y tin hende herida.
Na e sitio nan ta topa cu un Tour Bus di e compania Fofoti cu basta pasahero.
E bus lo tabata Tour na e parkenan di luz.
E accidente a sosode momento cu e bus tabata bay sali di Wara Wara.
Brake di e bus a faya y tabata net na un bahada.
Segun nos a compronde, e chauffeur a maniobra pa no bay drenta e cas su dilanti.
Durante e maniobra el a reacciona kitando bay na su man drechi, aki ta caminda cu e ta ranca un palo di luz por completo, y ta sigui bay topa cu un Toyota Tercel.
Un impacto frontal hopi duro.
Na yegada di polis di trafico a pidi presencia di ambulance y brandweer. Brandweer tabata pa habri e porta di e bus pa e pasaheronan por a baha.
Na nos yegada ya ambulance a sali cu un herida direccion hospital, y un rato despues un otro ambulance a wordo pidi pa un persona cu tabata keha di dolor.
Elmar a presenta pa e palo di luz cu a wordo ranca y cu na e momento eynan ainda tabata tin coriente ariba dje.
Pues asina nos ta wak cu un Tour den bus pa mira e parkenan di luz a caba na un accidente basta serio.
E compania a zorg pa un otro bus a yega pa por a comoda e grupo cu tabata den e bus cu a accidenta.
