Cu un poco mas di frecuencia ta registra accidente riba caminda grandi di Morgenster. Trafico tur dia mester ta mas atento na momento di sali of baha for di e caminda aki mirndo cu accidentenan ta practicamente tur dia na e mes un sitio aki.
Diaranson merdia, pa mas of menos 1:30PM, a sosode un accidente entre tres vehiculo, cu daño material minimo. Tabata trata di un KIA color blanco y dos Nissan March, cu a bay dal tras di otro. Locual por a compronde na sitio cu e KIA lo a para por completo, porta pa sortia, y e vehiculo su tras no a tuma nota di esaki y a bin dal su tras. Consecuentemente e otro vehiculo tambe lo a bin dal tras di e Nissan March preto su dilanti.
Afortunadamente no tabata tin ningun hende herida, ni tampoco mucho daño material. Unico situacion remarcabel den e accidente aki ta, cu un di e chauffeurnan no tabatin rijbewijs.
