Awe nochi algo prome cu 7:30PM a sosode un accidente cu varios herido na e famoso crusada di Professor Lorentzstraat y Emmastaat. Ta trata di un auto marca Chevrolet, modelo Spark, numera A-76105 y un auto marca Nissan, modelo March, estilo RHD, numera A-76623.
Den e Spark tabatin dos persona herida, un tabatin basta corta na cara y tabata sangra hopi. Den e March no tabatin ningun hende herida pero si tabatin un baby di dos aña cu tabata basta spanta debi na e impacto. Daña material tabata considerabel.
Polis a cera caminda y a desvia trafico mientras cu specialistanan di trafico a presenta pa haci e investigacionnan necesario. Dos unidad di Ambulance a presenta na e sitio pa brinda asistencia medico na esunnan cu mas tabatin necesidad p’e. Testigonan a conta cu un persona cu kap na boca a sali core bay. No ta conoci den cua auto e persona aki lo tabata aden. Probablemente e lo ta un persona indocumenta?
