Dialuna den careda di 5’or di atardi, Polis a bay direccion e crusada di Morgenster pa un accidente cu a caba di tuma luga.
Ora patruya a yega, a nota cu tabata tin tres auto envolvi. Segun algun informacion compila na e sitio, e Honda Accord blauw scur tabata biniendo for di pariba ora diripiente na e crusada, un Toyota Yaris a subi su dilanti sin dun’e preferencia.
Esaki a causa cu e Honda Accord a dal den banda robes parti dilanti di e Toyota, kibra e bumber y e tire banda robes dilanti di e Toyota, mientras door di e impacto e Honda Accord a bira dal den un auto KIA Rio cu tabata bini for di pabou.
Afortunadamente niun hende a resulta herida, pero e chauffeur femenino di e Toyota Yaris si a haya susto di su bida y unda e agente policial atento, a laga e dama sinta un rato den e auto di Polis y a dun’e un cups cu awa pa baha e susto. Mirando e ora cu e accidente a pasa, e trafico biniendo for di Playa a keda basta pega. A logra move dos di e autonan y pone na banda. Pero pa locual ta trata e Toyora Yaris, a yama takelwagen pa kita e auto for di caminda. E trafico na crusada a keda basta rato stagna y Polis a haya nan mes ta dirigi e trafico pa asina alivia e situacion.
