Diasabra atardi alrededor di 4:30 pm a sosode un accidente cu herido na Boroncana. Aki ta caminda cu chauffeur di un Ford Escape a perde control y a bay dal contra di un baranca. E auto a keda completamente destrui parti dilanti.
E impacto tabata asina fuerte cu hasta e airbag di e auto a sali. E chauffeur a resulta herida, ambulance a presenta p’asina brind’e atencion medico. Polis a presenta pa desvia trafico mientras cu e specialisa di trafico a documenta e accidente aki. Na final ambulance a transporta e victima pa hospital p’e ricibi atencion medico avansa.
