Autoridad mester haci algo cu e homber fam Faro di Sabana Liber cu a corta un persona di edad respeta di 75 aña. E persona a bay cumpra pan y biniendo bek a ser ataca pa e abusado fam Faro. A avisa polis pasobra tin bringamento riba caya y hende herida na sanger. Polis a yega haya e homber fam P sinta bou palo cu varios corta na curpa.
E tabatin corta na cara y pia. Polis a busca mesora pa e abusado y ta top’e den cercania. A detene mesora. E victima ta biba den cercania y a bay cumpra pan na e panaderia. Caminda pa cas a haya Faro riba dje cu obheto skerpi. E tabata tin parce boter kibra y durante atake a corta e victima tambe.
Ambulance a presenta y hiba e victima di 75 aña pa hospital pa cose e heridanan. Despues e mester duna un keho oficial na warda di polis di Shaba. Parce cu e abusador ta conoci caba pa e cosnan ey. E ta busca victimanan cu e por agredi mientras e ta bou influencia. Polis di Shaba tin atencion pa e caso aki.
