Entrante ayera, dia 1 di juni 2023, abogado mr. Vito Carlo a join e bufete DavidKock Legal. Awor e team ta consisti di e abogadonan David Kock, Demis Illes, Evelyn Cafarzuza, Petra Smit y Vito Carlo.
Vito A.V. Carlo (1979) a gradua na februari 2017 for di Universidad di Aruba y a huramenta mesun luna como abogado. Un abogado cu experiencia den tur ramo di ley, pero cu ta specialisa y conoci como un abogado penal skerpi. Un abogado pragmatico y bon negoshado cu no ta duda pa yega na un compromiso na bienestar di su cliente nan.
A funda bufete DavodKock Legal desde aña 2004 caba y como tal tin casi 20 aña di existencia. E bufete ta un di esunnan mas conoci y renombra riba nos isla, cu un cantidad di abogado cu un amplio experencia riba diferente tema. Abogado David Kock mes ta duna les regularmente na Universidad di Aruba y awendia ta presidente di Raad van Advies, un organo cu ta conseha Gobierno di Aruba.
