Na Tat Fat a sosode un caso caminda presencia di Polis tabata necesario. Un homber a bay cu un cranchi sin paga. Polis na yegada na Tat Fat a wordo informa di henter e sucedido. E cliente sa bin mas biaha haci e tipo di cosnan aki. A yega di atende riba dje. Asina mes e no a stop. Pesey mes e biaha aki a duna Polis su adres y nan a bay na e adres na Tanki Leendert.
Ora cu Polis a yega a topa cu e homber. El a splica Polis cu berdad el a bay cu e cranchi sin paga. E motibo cu el a bay cune asina tabata pasobra e kier mira su esaki ta fit. Polis no a tuma e storia ey. A bise cu loke el a haci ta horta. Pesey es a bise mesora pa e bay na Tat Fat prome cu nan sera y asina bay paga loke cu el a bay cune. A bise tambe pa esaki no pasa mas. Si e ripiti y nan wordo yama lo detene pa ladronicia.
