No ta mucho dia pasa cu a bati alarma na polis p’un caso di ladronicia di auto. Aki ta caminda cu desconoci a horta un auto marca Honda modelo CR-V, numera A-31866 den Dr. Henriquezstraat. E robo a sosode den oranan di marduga, segun por a mira den camara di sigurad, pa 3:40 am desconci a bay cu e auto cu tabata staciona pafo di cas.
No a dura mucho cu a pa diaranson atardi a topa cu e auto scondi den mondi den Rudolf Arendsstraat. A hay’e practicamente intacto, un band’i spiel tabata falta y bateria di auto. Polis a presenta p’asina documenta e caso aki. Tin cu indica si cu a nota un aumento drastico di hortament’i auto riba nos isla. Practicamente tur dia tin hortament’i auto y e Minister di Husticia, Rocco Tjon ta keto riba e casonan aki.
