E siman aki Water- en Energiebedrijf Aruba (WEB) NV a anuncia cu nan ta stop cu e proyecto di WEB Mobil. Nan a haci esaki den pandemia, pa evita fila den e edificio di WEB y pa hende por a haci nan transaccionnan den aire libr y asina evita aglomeracion di hende. Asina WEB a duna di su parti pa evita mas contagio.
Pero awo cu e pandemia ta tras di lomba, no ta mira necesidad pa sigui cu e proyecto aki. Ora a analisa e cantidad di cliente cu ta atendiendo awo, despues di Covid, a opta pa stop e servicio. Ta invita publico pa haci nan pagonan trankil via banco, online, na oficina di WEB of ELMAR of na un di e oficinanan MFA den tur districto. Ta recomenda e uzo di online banking cu por haci unda cu ta, ki ora cu ta.
