Un yiu basta droga a causa cu su mesun mama a yama polis pa evita cu e por bira victima. E yiu lo tabata riba trip pisa y a yega cas den oranan di merdia. E tabata den auto pafo di cas. Varios unidad policial a topa y bay n’e adres na Bubali. Ora a yega a haya e homber den auto.
Ora polis a bay atende cu ne el a lanta contra nan. E agentenan presente mes a domina e situacion. A pidi transporte policial unda a hib’e hospital pa un control. Eynan lo dicidi si e lo keda of e lo bay warda. Den e auto Vitz preto, polis a haya droga y un machete. A confisca tur cos. E persona aki tin problema serio cu a afecta su sistema.
El a bira un dobel trouble y dado momento den cas un hende asina por causa morto di su mesun famia. Mientrastanto e instancia cu ta atende cu e problemanan aki ta na grito pidiendo mas fondo pa nan lista largo di espera. Ban wak kico lo sosode y con gobierno lo atende cu e personanan cu tin problema serio cu adiccion y cu peliger pa e comunidad.
