Minister di Enseñansa Rudy Lampe awe tabatin un reunion cu Departamento di Scolnan Publico (DPS) pero a probecha pa tene encuentro cu mas instancia na e edificio di John F. Kennedy Education Center.Pa loke ta e reunion cu DPS, cu tambe ta situa na edificio di John F. Kennedy.
Debi cu e funcionario Nora Eleonora a haya un tarea nobo na UNESCO, a surgi un posicion vacante. A dicidi di institui un Team di Maneho pa un aña na DPS y a introduci na e team di DPS e dos miembronan di e Team di Maneho (Hurista y un Specialista di Asuntonan di personal). E motibo ta cu DPS ta bay tin hopi reto riba tereno huridico y asunto di personal. Pero e tabata un reunion hopi cortico. No por a sinti largo cu e team di DPS pasobra tabatin un persona andando pa e personal y door di e normal nobo tambe e reunion tabata uno informativo y den aire liber.
E mandatario prome cu su reunion tabata na Secretariado di Unesco pa felicita Marck Oduber, kende a haya e bon noticia cu su tesis di doctorado a haya aprobacion y na December e lo mester bay defende esaki. Na mesun momento el a informa cu e puesto di Secretariado General di UNESCO na Aruba a keda vacante desde prome di october.
Den cuadro di esaki a pidi drs. Nora Eleonara ocupa temporalmente e puesto y yuda set-up e departamento, duna e push necesario riba tereno internacional.Tambe el a bishita Edu-Center cu ta keda na e edificio di John F. Kennedy, cual a wordo lanta y pronto tin su “soft opening”. A logra esaki den un acuerdo cu Department of State di Merca.
For di e oficina ta bay promove estudionan Mericano. “Educacion na Aruba tin hopi di haber cu e modelo di educacion Mericano y nos ta hopi orguyoso di por a logra e acuerdo aki,” e mandatario a expresa.Un departamento cu pronto lo muda pa edificio di JFK Education Center ta Departamento di Cultura y e personal tabata di bishita awe eynan pa mira nan sede nobo.
