Biento fuerte causando basta daño rond riba nos Isla y den diferente bario. Un cas situa den bario di San Nicolas, Watapana Gezaag pa ta mas exacto, a haya daño considerabel na e dak na momento cu e biento a lant’e y tire te na e otro banda den cura di cas di bisiña.
E señora doño di e cas ta un persona di edad y ta biba masha humilde den su cas. Mesora por a tuma nota di presencia di Brandweer y polis cu a bin asisti y purba di acomoda e señora na un luga mas sigur. Un familiar a presenta y a hiba e señora na un otro sitio mientras esnan presente a cuminsa mesora cu trabou pa pone e dak bek riba e cas.
Tin cu menciona cu ta trata di un cas chikito y cu dak di zink cu ta haci posibel e intento di drecha e situacion di e dak pa e señora mas lihe. Esfuerso maximo di e bomberonan presente tabata bisto, caminda nan tur hunto tabata traha pa colecta e partinan cu a bula bay y trecenan bek den cercania di e cas.
Famianan cu ta sinti cu nan ser keri lo ta den un peliger igual, lo ta bon pa pasa tira un bista y confirma cu tur cos ta bon y asina tambe brindanan e bishita anhela cu e abraso di consuelo cu tanto nan mester. Nos grandinan merece esaki y hopi mas.
