Diahuebs mainta a tuma luga un reunion publico cu tabatin como tema inflacion. Segun parlamentario independiente, Gerlien Croes, nos ta bibando cu un gobierno autoritario pa seis of shete aña caba.
Yegando cinco minuut di ta hibando palabra, presidente di parlamento Edgard Vrolijk a laga paga su mic, contrario na su coleganan cu si por a yega 8 of hasta 10 minuut. Pero esey ta pasa ora cu ta cuminsa bisa e berdad of ta cuestiona e prome minister di e pais aki, cu e ta kere cu mes no ta asombra di su mes di cuanto cos y cuanto storia e por bin tira of gaña den parlamento.
Esey ta e simpel realidad. Diahuebs, e prome minister a bin duna informacion riba un acuerdo cu el a mara pais Aruba na dje, casi un siman atras.
E pregunta di Croes, cual a sali siman pasa for di un colega parlamentario, puntr’e cu ki derecho huridico a bay Hulanda y a firma un acuerdo pa 20 aña y mara e pueblo aki n’e cantidad di placa ey cu aworaki, desde 2024 en adelante mester paga 60 miyon na interes.
Su contesta diahuebs tabata, e aprobacion ta duna na e minister di finansa na momento cu aproba un presupuesto di e pais aki. E prome pregunta di Croes na e prome minister tabata cua presupuesto tin di aproba pa 2024 pa bay firma pa un acuerdo di 20 aña largo.
E presupuesto 2024 no a duna ningun apoderacion ainda, e no a pasa ainda, el a comenta. Ainda no tin ningun base legal cu ta mara Aruba na e 60 miyon aki.
Sin mas e prome minister a bin bisa cu e tabatin aprobacion di parlamento. Ora cu el a haya contract un dia prome cu el a bin firma, e no a bin parlamento y a informa cu esaki t’e situacion cu Hulanda y tin cu bay firma. Pero si ta bay y ta firma e acuerdo, bisando cu tur aprobacion el a ricibi tur cos cu e tabatin mester te asina leu, el a haya pa e firma.
“B’a puntra pueblo si esey e tabata desea?,” e parlamentario a cuestiona. Por a scuch’e bisa awe cu “mester warda e guera na Israel pa mira si por haya un rentepercentage mas faborabel.”
Pa mas detaye lesa TREMPAN.
