Diasabra promer cu 12’or di merdia, Polis a haya informe di un caso di maltrato na of banda di Arugas.Segun informacion, dos cliente cu tabata na Arugas pa busca boter di gas, a haya nan mes den un discusion cu otro. Den esey un di e hombernan a dicidi di dal e otro persona y a kibra su nanishi. Mirando cu e victima ta hende grandi di edad esaki a causa un disgusto cerca tur esnan presente.Mirando e abuso formal cu a tuma luga a yama Polis.
E agresor mes a subi su auto y a core bay for di e luga. Polis a yega na e sitio y a tuma tur datos necesario p’asina pone e agresor para responsabel pa su actonan abusivo.Algun persona a nota e number di e auto cu supuestamente lo ta pertenece na un persona di fam P na adres na Montaña na Noord. E homber di edad a keda di bay entrega keho na recherche despues di asistencia medico.
