Diabierna anochi Polis a bay pura den direccion di Jaburibari. Ladronnan a drenta un cas. Na dado monento señora grandi a bati alarma pa e ladronnan. Polis a yega mesora y ladronnan a sali core. Polis a insisti riba nan buscamento pa e ladronnan den e area di Jaburibari.
Dado momento a bin topa cu un di e ladronnan riba dak di un cas den Jaburibari. Polis a subi dak y haci e detencion. Ta trata di un conoci di Polis Webb cu ta biba den e area di Moko.
Ta hendenan conoci pa hortamento. Nan no a haya chens di huy. Polis a move rapido riba nan. Nan a para nan auto den e area di Parke Jaburibari.
E auto tambe polis a confisca. E otro ladron a logra huy. E ladron deteni a grita e otro pa e logra huy ora el a mira cu Polis a yega riba dje. E polisnan mes a pone un mask na cara di e ladron prome cu a hibe warda.
