E homber aki ta conoci como “Ma Taha”. E ta conoci door di yama radio duna masha comentario politico. Door di su comentarionan defendiendo gobierno, hasta el a haya un trabou. Algun siman pasa el a dal hende cu auto na Tanki Leendert y tabata bebi. E dia ey el a bisa cu ta e persona a bin dal den dje.
Diadomingo atardi si e cos tabata otro. Polis a mir’e ta stuur. A dun’e señal pa para. Ora a bay check tabata “Ma Taha” basta bebi. Ora a pidie pa rijbewijs el a saca un carchi di AZV. Polis a puntr’e si e tin rijbewijs.
El a keda keto un rato y despues a bisa polis cu e no tin rijbewijs. Tambe el a pidi polis pa yud’e y no deten’e. Polis no a cay den su wega. A pidi transporte pa hib’e warda basta cansa. Un subfiscal tabata pendiente p’e.
