Diabierna atardi alrededor di 5:20 pm a sosode un accidente na altura di Great Rich na Paradera. E autonan envolvi ta; un Hyundai Santa Fe, Nissan hatchback y un Ford Fusion. Tur tres auto tabata direccion pariba. E Santa Fe tabata biniendo tur cu tin y dal tras di e hatchback, cu consecuencia a bay dal tras di e Ford.
Daño material tabata basta, e hatchback color berde t’esun cu a ricibi mas daño compara cu e otro vehiculonan. Ningun persona a resulta herida, pero e chauffeur di e Santa Fe no tabatin un rijbewijs valido y tampoco un permiso valido pa ta riba nos isla.
A deten’e y transport’e pa warda di polis pendiente investigacion. Tur cos ta mustra cu e chauffeur di e Santa Fe tabata riba su telefon celular y no a paga tino den trafico.
