Pasco sigur no a habri bon p’e chauffeur aki, ora cu diasabra marduga, pa mas of menos 2:00 am, bayendo direccion, Playa. Aparentemente e tabata core malo riba caminda y na altura di rotonde Las Americas, el a perde control y a bay dal den un palo di luz. Esaki a haci cu e auto a spin rond cara pariba.
E chauffeur, kende tabata mustra claramente bao influencia di alcohol, despues di e impacto, kier a purba coy e bumper y piesa di su auto Kia Rio, numera A-43122, p’e huy di e luga.
Pero e auto tabatin asina hopi daño cu tabata imposibel pa core cu ne.
Na yegada di polis, e chauffeur a pidi nan p’e haya un chens pasobra ta Pasco. Pero pa su mala suerte e agentenan no por a cumpli cu su deseo, mirando e condicion cu e tabata aden y e daño c el a comete.
A aresta e chauffeur y a hib’e warda p’e duna fiscal auxiliar un bon Pasco, pa despues e bay cera.
