Den fin di siman a tuma luga e Copa Amado Rosina y Nyles Oduber. E torneo di futbol aki tabata dedica na tanto Amado Rosina como Nyles Oduber. Un total di cinco wega tabata hunga riba veld di Britannia.
Siguerd Obispo, organisado di Copa Amado Rosina y Nyles Oduber, a indica cu a haci e homenahe na ambos hungado kendenan ta hunga futbol pa hopi aña. E ta haya cu porfin nan ta colga nan sapato, un di 70 y otro di 72. E ta kere cu tabata na su luga pa haci homenahe na nan y lo sigui haci esey pa mas hungado di bala.
E idea pa haci esaki a bin di Rosina y Oduber mes, pasobra nan a bay Corsou y ey a trata nan bon. Y nan kier a haci algo pa Corsou.
Amado Rosina a expresa cu di ta gradici cu nan a bin hunga nan ultimo wega den liga 50, ya cu nan no ta bay hunga den e liga ey mas. Awo nan ta bay hunga den liga mas grandi. El a haya cu tabata dushi pa tabata cu e amigonan di Corsou y cu e hungadonan nobo den liga 50 cu Roma. Pa loke tabata trata e homenahe na su persona, el a indica cu esaki tabata bon.
E ta kere cu ora ta haci deporte pa un tempo largo, di cual Rosina no ta pensa di stop, pero ta haci esey den e liga di 50. “Cu nan a bisa mi ta colga sapato ta berdad, pero den liga 50”, el a expresa. Amado Rosina tin hopi tempo den mundo deportivo, incluso e ta nara wega. Semper el a gusta deporte, a hunga baseball despues a bay hunga futbol den aña 60 hungando den liga junior y despues hoofdklas. E ta gradici na Dios cu e ta hungando futbol pa mas di 50 aña.
Nyles Oduber a expresa cu a avisa su persona como Rosina di e torneo di retiro na nan honor. E no ta yama esaki retiro, pero retiro di 50 pasobra e ta bay sigui hunga bala te dia cu Dios kier. Pa loke tabata trata e sentimentonan pa tabata honra, el a expresa cu nan tabata hopi bon. E ta di pensamento cu na bida mester duna hende elogio y no ora cu e ta morto, pasobra e no ta wak nada. E ta haya cu na bida hende ta wak tur cos. E ta kere cu na Aruba tin hopi mas hende pa honra prome cu nan. El a gradici Siguerd Obispo di a haci e homenahe aki.
