Esaki ta loke e propio parlamentario di fraccion di Raiz a informa publicamente den oranan di mainta. Aki riba el a splica con henter e proceso a bay. Den un reunion di comision di salubridad publico teni dia 22 dfi februari ultimo, e organo ehecutivo di AZV a presenta su plan multi-anual financiero.
Parlamentario Misha Raymond, lider di Fraccion Raiz, a follow up riba varios punto durante e reunion, entre otro fisioterapia specialisa pa mucha. Por corda cu dia 11 di december durante tratamento di presupuesto supletorio, Misha a subraya e importancia pa tin fisioterapia specialisa pa mucha. “𝑈𝑛 𝑚𝑢𝑐ℎ𝑎 𝑐𝑢 𝑛𝑜 𝑝𝑜𝑟 𝑚𝑜𝑣𝑒, 𝑛𝑜 𝑝𝑜𝑟 ℎ𝑢𝑛𝑔𝑎. 𝑈𝑛 𝑚𝑢𝑐ℎ𝑎 𝑐𝑢 𝑛𝑜 𝑡𝑎 ℎ𝑢𝑛𝑔𝑎 𝑛𝑜 𝑡𝑎 𝑑𝑒𝑠𝑎𝑟𝑜𝑦𝑎”.
Durante e reunion aki Minister di Salubridad Publico a menciona cu pa januari 2024, lo tin un fisioterapista specialisa pa mucha cubri door di azv.
Mirando cu esaki no tawata e caso ainda 1 di februari, Parlamentario Misha Raymond a manda un follow-up carta pa e Minister encarga cu salubridad publico.
Awe durante e presentacion di AZV, Misha a haya confirmacion cu desde 1 di maart 2024, Aruba lo tin fisioterapia specialisa pa mucha.
“Nos mester keda lucha pa cuido integral y specialisa pa nos muchanan.”
