Cortamento di kabel di internet di SETAR ta continua. E biaha aki tabata dilanti di Taco Bell Sasaki, pa asina drenta den e luga, sin bay cu nada.
E hecho aki ta e mesun Modus Operandi cu a tuma luga na McDonald’s na Sero Blanco, caminda a corta kabel di SETAR, pa asina drenta horta den e luga.
Tur esaki di un netwerk criminal cu tin riba nos isla. Ora cu nan a caba di corta e kabelnan, a bay over pa bishita Taco Bell, kibra e porta, etc.
Un representante di SETAR a comenta cu esaki ta un acto cu ta di hopi lamenta. A pasa den algo similar caba diabierna ultimo, unda cu den ora di marduga malhechornan a haci daño grandi riba kabel di fiber, causando daño na henter pueblo di Aruba.
Tur hende a sinti e efecto na un manera of otro door di e trafico financiero cu a tranca y ta di lamenta cu dialuna mainta mester a bolbe confronta cu e hecho aki.
E biaha aki den e area di Palm Beach, unda cu atrobe a haci daño riba nan red di fiberoptic, cu un biaha mas, a causa daño inmenso na hospital, cu ta sufriendo daño di servicio y diferente hotel, cu tambe ta afecta door di esaki.
Pa un cobertura mas amplio lesa e edicion di TREMPAN di mañan.