Awe mainta Corte a trata e caso penal contra e acusado Angelo Apostel. Ta acus’e di a comete acto di inmoralidad, penetracion sexual, cu un mucha muhe di mas cu 12 aña y menos cu 16 aña di edad. Esaki ta un delito castigabel y ta e motibo cu e tabata dilanti mesa berde.
Hues a hay’e culpabel di a tene relacion sexual cu un mucha muhe di 14 aña, cu pa colmo ta mama di su yiu. Pa esaki a dun’e un castigo igual cu loke fiscal a pidi p’e, esta 7 dia cera, 240 ora di trabou pa comunidad, cu un tempo condicional y cu un aña di prueba.
Mesora na final di e caso, el a informa cu e lo no apela e decision aki. Den sala di corte tabata presente e mucha muhe cu kende el a tene relacion sexual cu ne tempo cu e tabatin 14 aña. Pa mas informacion, lesa e edicion di TREMPAN di mañan.
