Un hoben relativamente nobo den e deporte di BMX a laga Aruba su nomber resona na diferente competencia internacional durante aña 2023. E hoben Jaydel Carrasquero tin un pasion grandi pa e deporte di BMX.
El a start cu su prome careda internacional na mei. Aki el a participa den e careda di Music City Nationals na Nashville, Tennessee. Jaydel a logra e prome luga den categoria novice 11.
Na september Jaydel a participa den e careda SoCal Nationals na Los Angeles den categoria intermediate 11 y a logra clasifica tur tres dia pa e evento principal. Aki el a termina na di cuater luga.
Jaydel a sigui di biaha pa su siguiente careda Sunshine State Nationals na Daytona unda a participa den categoria intermediate 11 y a logra e prome puesto riba tur dos dia di competencia. Pa termina su careda nan internacional pa 2023, Jaydel a sali rumbo pa Tulsa, Oklahoma, pa participa den e careda Grand Nationals y aki ta unda Jaydel a participa pa prome biaha den categoria intermediate 12 ganado di 7 luga den mas cu 170 BMX riders.
Por remarca cu den menos di un aña practicando e deporte di BMX, Jaydel a haci un tremendo trabao y sigur por spera hopi mas di Jaydel den 2024. Nos ta desea Jaydel Carrasquero hopi exito den 2024!
