Diasabra pa 12:45 am un habitante di Rooiweg a bati alarma pa un homber cu tabata loer via e bentananan di cas.
Mesora polis a presenta na e cas y a cuminsa busca rond. Patras di e cas polis a bin topa cu un homber. Tabata trata di Toko. Mesora a bay cu Toko parti dilanti di e cas y antend’e cu ne riba su comportacion.
Polis a mira cu e tabata cu auto y di biaha a pidi p’e papelnan. Den e proceso di control, a ripara cu e auto no tabata tin nada na ordo. Autoridad a kita e auto di Toko y a lag’e bay. Toko mester a bay cas sin auto.
